المساعد الشخصي الرقمي

مشاهدة النسخة كاملة : منع الدراجات النارية بمدينة جبلة

زكريا
07/07/2009, 09:28 مساء
اصدر السيد مدير منطقة جبلة المحترم

وذلك أعتبارآ من تاريخ 7-7-2009


قرارآ بمنع الدراجات النارية بشوارع مدينة جبلة

حتى أشعار آخر


:(30):ودمتم ودامت دراجاتكم بخير :7_14_4:
ابو زهير
07/07/2009, 10:21 مساء
رح نسمع هاليومين قصص وحكايا عن آخر

المطاردات البوليسية

وعن لعبة القط والفار

حسبي الله ونعم الوكيل
شيخ الشباب
07/07/2009, 10:51 مساء
الحمد لله تعودنا على هالشي كل سنة بهذا الوقت

بس ليش ما بيكافحوا السرقات:( وأعمال الأحتيال:) وغيرو:15_8_207:

مو أحسن
:(4):
عبد الرحيم
08/07/2009, 04:32 صباحاً
هيك القرارات الصائبة يا إما بلا .......بكرة كل اللي ماشيين بأدبهم تصادر درجاتهم وكل اللي عم يمشوا على دولاب واحد وبسرعات عالية لا يمكن أن يتمكنوا منهم ....وهاي العادة ......ما بتروح إلا على صاحب الحاجة إلى الدراجة ........إلى متى هذا التعسف في مصائر الناس والله لا أدري
alhayssam
08/07/2009, 02:56 مساء
قرارات وقوانين تطبق

بحجة وبدون حجة

المهم عصا ترفع

وإحباط يسيطر على النفوس

الدراجة النارية هي الوسلة الوحيدة لأغلب سكان جبلة

ففي محافظة اللاذقية منعت الدراجات النارية

لوجود عشرات بل مئات باصات النقل الداخلي

وجبلة لا يوجد بها ولا حتى ربع باص نقل داخلي

مع ذلك تصدر القرارات وتطبق من خلف المكاتب

ربما لأن المسؤلين تعودوا ركوب السيارات

وتضايقهم كثرة الدراجات اثناء زياراتهم مع وفود السياح الأجانب

لزيارة هذه المنطقة الأثرية والتمتع بمنظر البحر في قهوة الزوزو
ناصر
08/07/2009, 03:35 مساء
اعتقد انهم فتحوا باب

الفائده للشرطه بهذا القرار

لأن الناس لن تمتنع عن الموتورات

لعدم وجود البديل

كما قلت أخي هيثم

لك مني الشكر والإحترام
الملاك الجريح
08/07/2009, 07:57 مساء
تعودنا على هالشيء كل عام بس ملاحظة صغيرة بدي اقولا
انو بيلقو القبض على 10 مواتير من هون
بنفس اللحظة بفوت على البلد 100متور من هون
وبلدنا مستحيل تعيش بلا مواتير
الا لناس وناس
طارق بن زيد
08/07/2009, 08:40 مساء
لك والله عيب كل سنة إلنا نفس الموشح لعبة توم وجيري كأنه صار في عناصر جديده وماعندهم وسائل نقل قال مافي غير كبش الفداء موتورات جبله
الحمدلله أنو بعت موتوري ؟:36_6_12:
آدم
08/07/2009, 08:41 مساء
ان أغلب سكان الصين واليابان والدول الاسكندنافية الراقية تستعمل الدراجات الهوائية ( البسكليتة بالجبلاوي) فأين نحن منهم ؟ :(36):
ابو زهير
08/07/2009, 10:40 مساء
ان أغلب سكان الصين واليابان والدول الاسكندنافية الراقية تستعمل الدراجات الهوائية ( البسكليتة بالجبلاوي) فأين نحن منهم ؟ :(36):
أخي الكريم بالأول يكون عنّا شوارع متل هاي
اللي عم تقول عنا ما بعرف شو سكندفانية
ويابان وصين
القادم
08/07/2009, 11:34 مساء
نعم أخوتي الكرام

أنا مع تطبيق هكذا قرار

ولكن على أن يكون خاص تجاه الأولاد والمراهقين

فهم سبب كل ما يمكن أن يحدث وما يحدث

لو أننا اقتلعنا هذه الشريحة من الشارع

فستكون جبلة في هدوء شبه كامل

وأما أن يروح الصالح بالطالح فهذا هو الخطأ الكبير

والله يستر
غريب
08/07/2009, 11:53 مساء
انني يأخي الكريم ضد تطبيق هذا القرار لأن مدينه جبله لا تحيا ولا يستطيع الانسان العيش فيها بدون دراجه فأغلب الناس لايملكون سيا رات ولا يكاد منزل في هذه المدينه يخلو من درا جه أو اثنتين ولكن با لمقابل يجب تحيد سن معينه لقياده الدراجه لان من يسبب هذه الفوضى هم الاطفال والشباب الطائش....وشكرا........
سراج الدين
09/07/2009, 01:25 صباحاً
يجب قبل تطبيق هكذا قرار منع تهريب الدراجات وابدالها بدراجات نضاميه تكون بسعر مناسب مو ب40الف دراجه صينيه نخب عاشر وشهادت سواقه
كمان نضاميه مو برشوه
يا اخي خلينا نحس انو نحنا متقدمين شوي مثل باقي البشر
آدم
09/07/2009, 08:59 صباحاً
له له أخي ابو زهير
الله يسامحك من عند و
شبها شوارعنا آه
من عشرين سنة ونحن نغني :
الله محيي شوارعنا يابلادنا المنصورة
ولاكان دريد لحام عم يكذب ؟
جبلاوي البحار
09/07/2009, 01:02 مساء
مشكور على الموضوع انا مع منع مواتير بس على الكورنيش وبالليل فقط
اسمر
10/07/2009, 01:28 صباحاً
ملينا من المواضيع المعته كل سنه
وقف التهريب بعدين كافح الداخل
rami55
10/07/2009, 04:25 صباحاً
مع منع الموتورات لمن هم دون الثامنة عشر

و مع منع الموتورات الكبيرة الأحصنة

ذات الأصوات المرعبة

لأن الموتور ليس للإستعراض و لكن لقضاء حاجة
جبلاوي وافتخر
10/07/2009, 04:46 صباحاً
حسبنا الله ونعم الوكيل
يعني ما بتوقع الا براس المعتر
يعني بيعرفو انو معظم اهالي جبة ما فينهم با موتورات بقى ليش هالشي كلو ما بعرف
لاء والاحلى من هيك صار فيه موضة جديدة
الشرطة بدها تحجز الموتور وصاحبو
وما بس الموتورات
لا حول ولا قوة الا بالله العلي العظيم