المساعد الشخصي الرقمي

مشاهدة النسخة كاملة : جربوها وادعولي

زهرة البيلسان
18/12/2006, 03:39 صباحاً
السلام عليكم ورحمة الله


لمحبي الحلويات

"النمورة"

المقادير:

2كأس سميد

2كأس طحين

2كأس برش جوز الهند

2كأس سكر

2كأس لبن

2 ظرف فانيليا

4 بيضات

ظرف بكنج بودر

برش ليمونةحامضة

فنجان زيت مازولا

الطريقة:

في وعاء نضع السميد و الطحين وبرش جوز الهند والبكنج بودر وتخلط في ملعقة

وفي الخلاط الكهربائي نضع اللبن و البيض والسكر و الفانيل وبرش الليمون و الزيت

المازولا ونخلطهم لمدة 3 دقائق ، بعد خلطهم نضعهم فوق الخليط الأول ونحركهم حتى

يمتزج الخليطان ، نحضر صينية متوسطة وندهنها بالسمن ثم نضع الخليط فيها ، نتركها

ساعة وعند خبزها نضعها في الفرن بتشغيل اللأسفل فقط وعند احمرار طرفها نطفئ

الأسفل ونشغل الأعلى حتى احمراره

القطر: 2كأس سكر وكأس ماء ونغليهم ونضع في طرف الملعقة ملح الليمون أو نقطتين

عصير الليمون الحامض عند الغليان وبعدغليها قليلاً نطفئ النار

نقطع النمورة وعند وضع القطر يجب أن يكون إحداهما بارد ويوزع القطر

حينها تصبح جاهزة

وصحة وهناء على قلب الجميع

لصبايا المنتدى الحلوين إلي بيحب يدوئها أهلا وسهلا بالجميع

وهي دعوة عامة للصبايا
أماني
18/12/2006, 04:14 صباحاً
مشكورة اخت زهرة البيلسان

أكيد سأجربها

و الله يوفقك دنيا و آخرة
نور الإيمان
18/12/2006, 05:55 صباحاً
زهرة البيلسان

خليتيني أتشوق زورك أكتر

يا عمي مرة شراب

ومرة نمورة

أنا قررت الأسبوع القادم زورك

جزاك الله كل خير على النمورة بوعدك جربة
زهرة البيلسان
18/12/2006, 06:33 صباحاً
أشكر مرورك أخت أماني

والإخت نور الإيمان أهلا وسهلا فيك بكرا إذا بتحبي

خبري الصبايا ورديلي خبر قبل بوقت

بإذن الله ما بتروحي من عندي إلا مبسوطة
ابن البلد
18/12/2006, 12:16 مساء
ممممممممممممم

صبايا كل الأيام ألكن بس أوعىىىىىىىىىىىىىىى

يوم الأربعاء لأنو بتكون عم تنزل حلويات تانية مشان ما تلهوها

شكرا زهرة البيلسان أكيد النمورة طيبة جدا وأنا جربتها

ونيال يلي بدوئها لأنو رح يدعيلك كتير
عبير الورد
18/12/2006, 02:54 مساء
بصراحة النمورة من الحلويات اللي على طول بساويها
وخاصة هالطريقة مضمونة لنجاحها 100 %
بس كأني سمعت عزيمة ...ما عزيمة
هالحكي جد أو ........؟؟؟؟؟؟؟؟؟
على كل حال صبايا اذا رحتوا كلو عني
ويسلمو ايديكي زهرة البيلسان
زهرة البيلسان
19/12/2006, 05:13 صباحاً
ابن البلد بيطلعلك وبتستاهل أطيب

الحلويات

أخت عبير الورد عزيمة جدية لإلك ولكل

الصبايا أهلا وسهلا بالجميع


أشكر مروركم لصفحتي
نور الإيمان
19/12/2006, 06:59 صباحاً
زهرة البيلسان

على هذا الحال حضري شي ست سبع

صواني نمورة الأسبوع القادم


أنا ناوية أخذ كل بنات المنتدى
ابن البلد
19/12/2006, 12:31 مساء
زهرة البيلسان


على هذا الحال حضري شي ست سبع

صواني نمورة الأسبوع القادم



أنا ناوية أخذ كل بنات المنتدى


أيييييييييييييه

نياااااااااااااااااااااااااااااااااااااااالون
alhayssam
20/12/2006, 05:52 مساء
ولا يهمك ابن البلد

العزيمة الجاي على حسابك لكل الشباب
بحر الأحزان
01/02/2007, 07:49 مساء
هم هم هم هم هم هم هم هم شكراً لك على هذه المشاركة المفيدة
ammar47
08/05/2007, 09:33 مساء
شو ابن البلد بدك تاكل نموره لحالك شو نسيت الاعضاء
شكرا لك اختي زهره البيلسان على الاكلات الطيبه
ليلى ملك
08/05/2007, 10:10 مساء
انا بترجاكم بنات
اذا رحتو لتكلو هالحلويات
كل واحدة فيكم تاكل وحدة اضافية و تذكرني .
كما انا اتذكر.....
شكرا اختي زهرة البيلسان