المساعد الشخصي الرقمي

مشاهدة النسخة كاملة : الكبسة من أشهى المأكولات ...تفضلوا

عبير الورد
02/12/2006, 07:10 مساء
السلام عليكم
بداية لم أجد في المنتدى قسم للطبخ والمطبخ فوضعت موضوعي في قسم الديكور والأشغال اليدوية وإن لم يكن مكانه هنا فليس عندي مانع أن تنقلوه إلى مكان مناسب له

الكبسة :
من أطيب وأشهى المأكولات وتشتهر بها دول الخليج العربي
كثير منّا يطبخها ولكن لكل طريقته وأنا سأكتب لكم طريقتي بعمل الكبسة
وأتمنى أن تطبقوها لأنكم لن تندموا

المقادير :
دجاجةمسلوقة مع(الملح والبهار وورق الغار وبصلة صغيرة وقشر الليمون الحامض)
للقضاء على رائحة سلق الدجاج تماماً وعطاء نكهة ورائحة زكية
نصف كيلو من الرز ( رز عادي أو رز كبسة ) حسب المستحب
كمية تقريباً كوب من البازيلاء
بصلة متوسطة
حبة بندورة واحدة متوسطة الحجم
بهارات الكاري ( موجودة عند بائعي الحبوب والبهارات )

الطريقة
1- توضع مقدار ملعقتين من السمنة في وعاء الطهي ( الطنجرة ) على النار
2- تفرم البصة إلى قطع صغيرة وتقلى بالسمنة إلى أن تحمر
3- توضع فوقها البندورة المفرومة بشكل ناعم
4- بعد أن تذبل البندورة يوضع فوقها البازيلاء ورشة ملح وتترك لتستوي حبات البازيلاء معها على نار هادئة
5- بعد ان نضجت حبات البازيلاء نأتي بملعقتين وسط من بهارات الكاري وتوضع فوق الخليط السابق مع التحريك
6- بعد غسل الرز نضعه فوق المكونات السابقة ونحركه ليتلون معها
7- نقطع الدجاج إلى قطع ليست بكبيرة ولا صغيرة بعد إزالة العظم والجلد ونضعها بالطنجرة فوق بقية المكونات
8- نصب مرق الدجاج المسلوق فوق الرز والمكونات ونحركهم قليلاً
9- نترك الكبسة حتى تغلي ثم نضعف النار عليها حتى ينضج الرز بهدوء
10- عند نضوج حبات الرز نطفىء النار عليها وتصب في صحون التقديم وتؤكل مع السلطة
وصحتين وهنا

[فقط الأعضاء المسجلين والمفعلين يمكنهم رؤية الوصلات]
alhayssam
02/12/2006, 10:01 مساء
شكل الأكلة بتشهي

مشكورة عبير على مجهودك

الطبخ على النسوان والأكل على الرجال

بس في ملاحظة : انا شايف طرف الصحن مطعوج شوي من جهة اليمين

يا ترى ليش ؟؟؟؟؟:confused:
نور الإيمان
02/12/2006, 10:33 مساء
ياسلام

على فكرة أنا وريم الفلا - ونور الهدى

كنا عم نقول إننا ميتين من الجوع ونحن شفنا الكبسة كملت معنا

حبيبة فؤادي عبير الورد الأكلة شكلة بجنن والطعم أطيب واللي كتبت أجمل

وأطيب وأحلى أنامل

مشكورة أختي على هذا الموضوع
بنت الساحل
02/12/2006, 10:42 مساء
عن جد أكلة غير شكل طيبة
كتير مشكورةأخت عبير الورد
أبو محمد
03/12/2006, 12:29 صباحاً
الكبسة أكلة سعودية الأصل و من يعرف السعوديين يعرف أن هناك مئات الطرق لصنع الكبسة و معظمها لذيذ و متشابه .
مشكورة على الطريقة .
ريم الفلا
03/12/2006, 01:41 صباحاً
اي والله معك حق يا نور الايمان

شكلها لحالها بيجوع

مشكورة عبير الورد المتميزة دائما

( بس شو رأيك نشوف هالصورة بأرض الواقع عنجد؟؟؟؟؟؟)
زهرة البنفسج
03/12/2006, 04:36 صباحاً
والله شهيتينا الكبسة ياعبير

اكلة جداً طيبة سلمت يداكي على الاكلة



راح اعملها بكرة انشاء الله وعازمتك عليها

زهرة البنفسج
عبير الورد
03/12/2006, 06:30 مساء
أستاذ هيثم
مشكور على المرور
وبالنسبة لصحن التقديم بدك تسأل اللي طابخ الطبخة لأنو هي صورة جبتها من أحد المواقع


نور الإيمان
وريم الفلا
لك ماعاش الجوع وأنا موجودة
أنتو بتعرفو عبير الورد روحها فداكم ما بس الكبسة


بنت الساحل
مشكورة على مرورك الغالي

أبو محمد
مشكور على المرور والمعلومات


زهرة البنفسج
مشكورة لمرورك ومنشان العزيمة تسلميلي شو طيوبة
بس أنا كمان اليوم عاملة كبسة مممممممممممم


وشكراً للجميع
تحيــ عبير الورد ـــاتي
alhayssam
20/12/2006, 06:05 مساء
بداية لم أجد في المنتدى قسم للطبخ والمطبخ فوضعت موضوعي في قسم الديكور والأشغال اليدوية وإن لم يكن مكانه هنا فليس عندي مانع أن تنقلوه إلى مكان مناسب له



لقد تم انشاء منتدى للطبخ والحلويات

وقد تم نقل موضوعك إلى المكان المناسب

لك جزيل الشكر على ما تقدمينه من مواضيع مفيدة


ملاحظة : بالنسبة للصحن المطعوج لقد تم تجليسه
الله يخليلنا الفوتو شوب
شعاع النور
26/12/2006, 05:09 مساء
يعني عنجد كلك ذوق اخت عبير الورد
لأنو اليوم صايمين
و هيك أكلة بتبل الريق
بس الله يسامحك شفنا الصورة اللي بتشهي و لساتنا بأول النهار

يعني لحقو شهورة من هلأ للفطور

يسلمو هالإيدين

شعاع النور
عبير الورد
26/12/2006, 05:42 مساء
الأستاذ هيثم مشكور لإنشاء الساحة الجديدة وتصويج الصحن
شعاع النور هاد من ذوقك
بس ولا يهمك فينك من هلأ تباشر بالطبخة وبين ما صار الأذان بتكون خلصت وبتاكل بشهية
وصيام مقبول إن شاء الله
شموخ
06/11/2008, 02:21 مساء
.. ـالكبسه ـالسعوديهـ ..

ـالذ شي يتقدم على ـالسفرهـ ،، وممكن تتعملـ بالدجاج ـاو ـاللحم
وبصفهـ عامهـ لذيذة ـالطعم ..

[فقط الأعضاء المسجلين والمفعلين يمكنهم رؤية الوصلات]

[فقط الأعضاء المسجلين والمفعلين يمكنهم رؤية الوصلات]


كلـ الشكر لكـ .. تحياتي
ابن البلد
07/11/2008, 04:47 مساء
يعطيك الصحة اختي شموخ على هالكبسة السعودية يلي بتشهي

وخاصة إذا كانت مطبوخة من تحت أيادي الاخت شموخ ومرسلة لنا عن طريق امير السلام

والله واعلم اميرنا شبع من هالكبسة من كثرتها في شتى المناسبات في السعودية :patch_cuisin:

نحمد لله انه ما كان الصحن مطعوج متل الصحن يلي تم تصويجه وتجليسه من قِبل الاستاذ هيثم

وكل الشكر للاخت عبير الورد على الشرح الكافي والوافي لهذه الاكلة الشهية
أمير السلام
07/11/2008, 05:25 مساء
يعطيك الصحة اختي شموخ على هالكبسة السعودية يلي بتشهي


وخاصة إذا كانت مطبوخة من تحت أيادي الاخت شموخ ومرسلة لنا عن طريق امير السلام

والله واعلم اميرنا شبع من هالكبسة من كثرتها في شتى المناسبات في السعودية






ومين الي قلك إني بوصل كبسة

أو حتى بحب هالأكلة من أساسها

أنا بحياتي ما أكلت منها


يا أخي ابن البلد

بس إذا بدك بشتريلك شي أكلة كبسة

وبرسلك إياها برسالة خاصة أو على جوالك

إنت بس اختار

وإذا بدك بجبلك أنا وجايي على سورية

شي طبق كبسة بس ياخوفي

تخرب على الطريق:)

انت بس اختار ولا تحتار
ابن البلد
08/11/2008, 02:38 مساء
يا اخي اميرنا شهم والله

حبيب قلبي الامير نحن ما بدنا غير ترجع للبلد بالسلامة
وبما انك ما بتحب هالاكلة انت تعال ورح اعزمك عليها بركي عسى ولعل تصير تحبها :patch_cuisin:
أمير السلام
08/11/2008, 02:52 مساء
تسلم يا طيب والله هادا من كرمك

ياسيدي وعد مني إلك إنوا الإسبوع القادم:) هلأ بيزعل حبيبنا

القادم

غير إنوا كون عندك عم سلم عليك وعلى جارك الهيثم وعلى كل

الشباب ورح إقبل عزيمتك على الجهاز رقم 14 بالسيلاند :)

بس عزيمتك على الكبسة بدك تعذرني لأنوا حاولت كتير إني حب

هالأكلة والله ما بقدر إتخيل حالي عم آكل منها

إنتظرني أنا قادم :)

وهادا وعد شرف
هلا
17/11/2008, 02:42 صباحاً
أميرنا زعلتني والله الكبسة طيبة
ليش ما بتحبها الكبسة من أشهر المأكولات عندنا
با لرز واللحم و المكسرات على وجهها
تفضلوا عازماكم على الكبسة با لبهارات الهندية
مممممممممم
ياسر ياسمين
17/11/2008, 10:58 مساء
كبسه وأنا مابعرف اخت هلا
معليش مين رح
يأتي بالملتزمات غيري
:patch_cuisin: :patch_cuisin: :patch_cuisin:
عبير الورد
18/11/2008, 12:01 مساء
أنا عم شم ريحة عزيمة كبسة
معقول ما تعزموني وأنا صاحبة الموضوع
:15_5_20:

ما معقول أختي هلا ما تحطني بالقائمة
:patch_cuisin:
عبير الورد
17/05/2009, 01:03 مساء
بالمناسبة اليوم أنا طابخة كبسة
:patch_cuisin:

اتفضلوا
:w6w:
سراج الدين
18/05/2009, 02:07 صباحاً
مشكور اختي والله شي يشهي ما شاء الله
رح خبص عفوا جرب اطبخها
سلام

قف عند نافذةالحبيب وسلم
وبكل لفظ عن هواك فترجم
قل له انت شفيعي يا رسول الله داركن
بنت الشرق
18/05/2009, 04:08 صباحاً
في كبسة بالمنتدى الكبسة من أطيب المأكولات
عندي مشكورة
أختي عبير الورد على هذا الطبق اللذيذ
عبير الورد
18/05/2009, 03:01 مساء
الأخ زيت وزعتر
صحتين وهنا على طبخة الكبسة

بنت الشرق
لك منيح اللي طلع فيه كبسة بالمنتدى منشان تنورينا بحضورك
SHADOW
18/05/2009, 03:49 مساء
مشكورة أخت عبير الورد على هذه الطبخة مع إني لا أحب هذه الطبخة أبداً
لكنك فعلاً تستحقين الشكر ونتمنى أن تستمري في إضافة طبخات مميزة.
:23:
عبير الورد
18/05/2009, 04:07 مساء
مشكور شادو على المرورك
ظلك خفيف أينما حللت
القادم
18/05/2009, 06:34 مساء
مشكورة اختي

اكلة تجنن

وانا من ناحيتي في بيني وبينها غراااام مو طبيعي

لو يومين في الاسبوع او حتى تلات

مو مشكلة مستعد لها دوما

:) :) :)
أماني
19/05/2009, 01:07 مساء
أكلة شهية و خاصة اذا عبير الورد طابختها:patch_cuisin:

يعطيك الصحة أختي
عبير الورد
19/05/2009, 06:07 مساء
مشكورة اختي


اكلة تجنن

وانا من ناحيتي في بيني وبينها غراااام مو طبيعي

لو يومين في الاسبوع او حتى تلات

مو مشكلة مستعد لها دوما


:) :) :)


الكبسة لذيذة وخاصة إذا على أصولها
وصحتين وهنا أخي
عبير الورد
19/05/2009, 06:08 مساء
أكلة شهية و خاصة اذا عبير الورد طابختها:patch_cuisin:

يعطيك الصحة أختي



ويعطيك الهناء والصحة والسعادة غاليتي أماني