المساعد الشخصي الرقمي

مشاهدة النسخة كاملة : وصية الى الدومري الصغير

الدومري
26/07/2007, 09:29 مساء
السيد المحترم الدومري الصغير طبعاً لأني أبوك عم قلك السيد المحترم مع انك يادوب في بطن امك
وانشالله يابابا بس تكبر وتصير شب تكون محترم بينك وبين حالك ومحترم بين الناس
المهم يا غالي
يا ابن قلبي حبيت أحكي معك هالكلمتين على رواق ونحط النقط ع الحروف لأنو يابابا بيقول المتل
من أولها أهونها لذلك شوف يا ابني
عم حاكيك بمنتهى الجدية ممنوع ونهائياً أنك تفكر مجرد التفكير بأنك تلعب بالكهربا
او تمزح مع الكهربا
خلص يابابا بعد للي صار من كام يوم مع ابوك ما عندي استعداد نهائياً انو اسمحلك تمارس أي نوع من أنواع الفلهوية
وتعمل حالك معلم علينا وتمسك بانسا ومفك على اساس انك متل ابوك الله لا يوريك
طبعاً حضرة جنابك رح تتفاجأ وتنصدم ورح تبكي لهل القرار الجائر للي اتخذناه أنا وأمك حول مسألة الكهربا
وصدقني يا فلذة كبدي أنا عم أكتب هلق هالرسالة وعيوني عم تدمع وبقلبي قصة ومخنوق ع الآخر
والمشكلة ما قدران اشرحلك شو صار ع المظبوط انا وعم ركب الدينامو ( يعني موتور المي )
كيف صرت ارقص ديسكو تحت الدرج
ولا شو عمل جارنا الله يطول بعمرو كيف خلصو لابوك وهو عم يتقاتل مع الكهربا
لذلك يا لمبة عمري
يا ضو عيوني بدك تسامحني لأني رح أحرمك تركب فيش وفقسة ولمبة ونيونة
وحتى تشعل نواسة
أما هلق فقوم انقلع على غرفتك داخل بطن امك دق ع الطربيزة لبين ما أشتريلك دربكة لأنو
ألف طبال ولايقولوا ابنك كهرب يا دومري
alhayssam
26/07/2007, 09:45 مساء
الف الحمد لله على سلامتك بابا دومري

يلي الو عمر ما تقتلو شدة

لحتى تعرف انو معهم حق يقطعولنا الكهربا

هنن بيعرفوا تمام المعرفة انو الجبلاوي بحب يشتغل كل شي بإيدو

بتعرف ليش لأنو ولاد المصلحة بدون واسطة ليجو وإذا اجو بيعملو من الحبة قبة

وعلى الوعد يا كمون ويمكن يعمر بناية على حسابك

الف الحمد لله على سلامتك يا بابا دومري
الدومري
26/07/2007, 10:42 مساء
فعلا استاذ اولاد المصلحة بدن واسطة حتى يتكرموا ويتفضلوا لعندك
وانا كنت قبل اسبوع متصل فيه وقلتلو
يا حبيبي اذا بتريد بدي ركب دينامو
قلي ايه يالله جايه رد القهوة على النار
ولهلق القهوة على النار وصاحبنا ما بين
واخرتها بنا نشرب مي
بدنا نطبخ
بدنا نتحمم
قلت ما بدو يجي انشاء الله ما يجي
جبت العدة وتوابع العمل
ومسكت الدينامو بايدي
ومحسوبك ما عاد شاف الضو
طاخ طيخ تك تك بم بم
ووين بيوجعك
يا حبيبي انا ما بعرف الشغلة هيك

الله يبارك فيك يا استاذي الحبيب
وبشكرك على صبرك علي
صاحب القلم
27/07/2007, 01:39 صباحاً
الحمد لله


على السلامة أخي الدومري

والله كلماتك أضحكتني


تابع يرعاك الله
الدومري
27/07/2007, 01:49 صباحاً
اشكرك اخي الكريم عاشق الفضيلة
وكم انا سعيد بوجودك في صفحتي
يعجبني متابعتك لكل المواضيع
ويعجبني اكثر نقدك الادبي البناء
وايقنت كل اليقين بان جعبتك ممتلئة ادب وثقافة واخلاق
مشكور وسلامي لك يا مذوق
ليلى ملك
27/07/2007, 03:18 صباحاً
الدومري العزيز
انت هلاء صرت مكهرب على طووووول
ماحدا فينا يقدر يقترب منك
انت لازمك تفتخر بحالك
صار عندك طاقة كبيرة ...بكرة المنتديات رح
يعملو معك اتفاقيات كهربائية منشان الانقطاعات المستمرة عندكم.
لكن قلي لشوف ؟؟؟؟ انت كام واط ؟؟؟؟؟
:):):)

////
بكل حب و مودة و اخوة
الحمد لله على سلامتك
الباشق
27/07/2007, 03:28 صباحاً
سلامتك دومري وسلامة قلبك

بس لو قلتلي انت والهيثم كان إلك عندي وصية

وبلا كهربا ولا منيتهم ولا في اي خطر

وبعدي ركبت الدينامو ولا لسا؟؟

وإلك دعواتي00
ابن العربي
27/07/2007, 06:34 صباحاً
الغالي الدومري
الحمد لله على سلامتك
هذا ما يهمنا ، وجودك معنا معافا
من كل مكروه .
تحياتي لك.
سامو
27/07/2007, 07:14 صباحاً
اخي الدومري
من وين بدك تلاقيها حتى تلاقيها
كانت المي مقطوعة
والتلفون مقطوع
والكهربا مقطوعة كل النهار
ولما اجت (تكهربت)
من وين بدك تلاقيها لحتى تلاقيها
ندى الصباح
27/07/2007, 05:31 مساء
الحمد لله على سلامتك اخ دومري
عبير الورد
27/07/2007, 05:35 مساء
أخي الدومري
ألف الحمد لله على سلامتك
وأهلاً بعودتك وأنت مكهرب
هيك بتصير مواضيعك تنط نط
rami55
27/07/2007, 07:04 مساء
الدومري انا شو بدي احكي ما بعرف

انا بعرف كل البير و غطاه

متل ما قالت الاخت عبير عم تنط نط

هو فعلا كان عم ينط نط تنذكر و ما تنعاد

الحمد لله على سلامتك اخي الغالي الدومري

و الحمد لله انو انا كنت معك ما كانت دومرية

لانو لو شافت هالمنظر كانت راحت فيها و العياذ بالله
الباشق
27/07/2007, 07:19 مساء
حبيب قلبي دومري

شر البلية ما يضحك

كل ما قرأت كلماتك بموت من الضحك

قرأت هالموضوع أكتر من مرة

سلامة قلبك يا كبيييييييييير:) :)
قطر الندى
27/07/2007, 10:58 مساء
إن شاء الله ألف حمدالله ع سلامتك
أخي الدومري
وإذا خربت معك الدنمو مرة تانية
استعين بالشباب الطيبة اللي بالمنتدى
(ابو العز ,سامو ,جهادو,رامي ,..................)
وإن شاء الله ما بخيبوا ظنك
وعالمشفى يابو فهــــــــــــــد
:) :) :) :)
وفي الختام
سلام
الدومري
27/07/2007, 11:18 مساء
قدرتي الاستطاعية اصبحت 1000 واط
قدرتي الفولتية اصبحت 380 فولت
الهرتز اصبح عندي متناوب واحيانا مستمر
يعني اصبحت استطيع كتابة 12موضوع في اليوم
واستطيع ان اكتب 189 رد في الساعة
يا اعضاء المنتدى احذروني صرت بكهرب
شكرا استاذه ليلى
ردك كتير مهضوم
الدومري
27/07/2007, 11:20 مساء
الله يسلمك يا باشق
انا حاسس انو عندك خطة حديثة في رفع المي الى الطوابق العليا
منطلع المي بالسطل
بلا دينامو بلا وجع القلب
شكرا ايها الباشق
الدومري
27/07/2007, 11:21 مساء
ابن العربي
ادامك الله
وحفظك الله ورعاك
وجودك بيننا له طعم خاص
ابن العربي
ما اروعك
الدومري
27/07/2007, 11:22 مساء
سامو
من اين لك كل هذه التفاصيل
شو عامل تحري علي
فعلا كل شيء كان مسكر في وجهي وقتها
سامو من انت؟؟؟؟؟؟؟؟
قر اعترف
ابو العز
27/07/2007, 11:36 مساء
سلامتك اخي الدومري
سلامتك من الاه سلامتك من الاه
قبل متمسك الكهربا احسها بصدري والله
بيا ولا بيك بيا ولا بيك
ريت الالم والآآآآآآآآآآآآآآآآآآآآآآآآآآآه
بيا ولا بيك
شلون اخليك شلون اخليك
تلعب بالكهربا
شلون اخلييييييييييييييييك
وحدك تصيح الاه شلون اخليك

اخوك المخلص ابو العز
الدومري
27/07/2007, 11:50 مساء
ندى الصباح
الله يسلمك ويحفظك يارب
مشكورة من القلب على تشريفي في صفحتي
الدومري
27/07/2007, 11:51 مساء
عبير الورد
الله يسلمك ويسلم اولادك وزوجك
يارب
بس انا ومكهرب بصير بكتر حكي
وبلت بعجن على الطالعة والنازلة
هلق الهيثم بكون ربط راسو
وقال الدومري بلا كهربا ما خالصين منو
كيف هو ومكهرب
الدومري
27/07/2007, 11:53 مساء
رامي يا رامي
وانا كنت بدي دقلك قبل بربع ساعة
وقلك بدك تساعدني
بتركيب الدينامو
شو كان صار
الله ستر وما كان في تغطية وقتها
يعني الخليوي بلا تغطية
الدومري
27/07/2007, 11:54 مساء
سلامتك حبيبي الباشق
لسا ما شفت شي
انت طول بالك وشوف القصف
الجوي والارضي
العامودي والافقي
الهوريزنتال و الفيرتيكال
الدومري
27/07/2007, 11:55 مساء
قطر الندى
الله ستر ما ستعنت فيهم
وقتها شو كان عمل الهيثم
كان يا سمح الله اعلن الحداد في المنتدى
لذلك الحمد لله ما استعنت بحدا طلعت براسي
rami55
28/07/2007, 12:02 صباحاً
يعني يا دومري لازم انك تخلط الجد بالمزح

و أضفت لها النقد و هذا يحسب لك

قلتلي فقدان التغطية عن الموبايل

هيك ارتحت
الدومري
28/07/2007, 12:02 صباحاً
يا طيب القلب وينك
حرام تهجر ضنينك
مشتاق لك يا حياتي
عسى يردك حنينك

يا شوق عيني لعينك ..

أتخيلك في المرايا
في مجلسي والهدايا
يا شين ذيك الزوايا
من غير طلعة جبينك

يا شوق عيني لعينك

ابو العز اشتقتلك
الدومري
28/07/2007, 12:05 صباحاً
ابو الروم
احمد ربك واشكرو
وقول الحمد لله الموبايل ما في تغطية وقتها
كانوا عملوا الحبايب زفة
شو مقللو لعدنان الله يحفظو
rami55
28/07/2007, 12:12 صباحاً
اذا كان قضاء الله سينفذ يعني سينفذ

على ما يبدو ان المدير العام دعا عليك

عندما نقدت الكهربا

و انا نصحتك من وقتها انك تشتغل على البطارية كان اسلم الك و النا

يعني الاسبوع الماضي حكيت على الماء فانقطعت عندك الماء 3 ايام
يعني و الله حيرونا ما منعرف على شو بدنا نحكي
كل ما حكينا على شغلة بتطلع براسنا
انت شو رايك
الدومري
28/07/2007, 12:16 صباحاً
والله معك حق اخي وحبيبي 55
هلق انا خايف من نقمة ام برغل
ومن نقمة سرافيس جبله اللاذقية
حبيبنا عندك شي طنبر نتجول فيه ونروح على اللاذقية
rami55
28/07/2007, 12:20 صباحاً
يعني انت مفكر بتكون هيك خلصت

يا سيدي صار الطنبر بدو ترخيص

و نمرة و مخصصات

لانه دخل في باب الترويج السياحي

تخيل و انت راكب طنبر و شرطي المرور
بيطلب منك اوراق الطنبر بدلا عن هويتك
الدومري
28/07/2007, 12:23 صباحاً
شو عم تحكي يا زلمة
من ايمتا صار بدو ترخيص
لعما على هالسمعا
شو يعني احلامي طارت
وصناديق البندورة يلي بليتني فيهم
rami55
28/07/2007, 12:27 صباحاً
صناديق البندورة بدك تبلش تعصرهن

قرص قرص و تعمل دبكة حوليهن

و انا متاكد انو يوم اللي بدك تبيعهن عصير
بدون يطلبو منك شهادة منشأ

شو رأيك ايها ال66
الدومري
28/07/2007, 12:31 صباحاً
والله يا77
بدنا نوصل الى10000
وما رح نشوف حل
الجحش( انت اكبر قدر)
يلي كان مربوط على باب مزرعة جدك
شو اخبارو
هادا بحل مشكلة محل الطنبر
ما تقلي بدو رخصة وشرطي مرور
rami55
28/07/2007, 12:36 صباحاً
و الله يا 88

طلبو مني شهادة تسجيل من وزارة الزراعة

و اعتبروه خيل اصيل و تم القبض عليه

و هو مشوار على البحر متلبسا في الحديقة الغربية ياكل الحشيش العام
الدومري
28/07/2007, 12:41 صباحاً
هيك صار مع دربوس
شو كان مصييف
حتى تعدى على حشيش الدولة
يخرب بيتو شو كر
طيب بسطة قدام البلدية
شو رايك يا99
ما تقلي بدها وبدها
امبارح شفت واحد اقصر مني مبسط قدام البلدية
كيف انا طولي بسم الله علي قلبي 180
ما تقلي معو فيتامين واو اكتر مني
eye pearl
28/07/2007, 02:05 صباحاً
ألف الحمد لله على سلامتك

أخي الدومري

وما تشوف شر تاني ان شاء الله

رجعت للمنتدى ونورتو بروحك الجميلة


مو بالكهربا الزيادة

:o


نــــــــــورت
شهرزاد
28/07/2007, 04:37 صباحاً
سلااااااااااااااااااااااااااااااااام
أول شي ان شاء الله ألف الحمدلة على السلامة

المنتدى كان معتم بغيابك
هههههه
لا تصدق بغياب الكهربا بس
ههههههه
لا ء قصدي منور بوجودي
على كلن الحمد لله على سلامتك
أنولو كان السيد الوالد موصيك نفس الوصية
شو كان صار اكبد ما كان صار اللي صار
على كلن برجع بقلك الحمد لله على السلامة
عسى أن تكرهوا شيئاً وهو خير لكم
وبالختام برد بقلك
ألفين الحمد لله على السلامة
أدي صاروا هلئ
سلاااااااااااااااااااااام
الدومري
28/07/2007, 06:20 مساء
جوهرة العين
الله يسلمك ويحفظك من كل سوء يارب
المنتدى منور بنورك الساطع
وبردودك الرائعة
ومييزة منتدى الهيثم انه يعمل بدون كهربا
لان الاعضاء كلهم مكهربين
عفوا منورين
الدومري
28/07/2007, 06:21 مساء
2000+ 1 = 2001+1= 2002
وكمان 2002+1=2003
الناتج 2003 سلامتك
قرار نهائي غير قابل لطعن
وملزمة لجميع
مححححححححححكمه
شكرا لك شهرزاد
سلاااااااااااااااااااااااااااااااااااام
ملاك السلام
28/07/2007, 09:52 مساء
ان شاء الله ألف الحمد الله على السلامة سيد دومري انا بعتذر كتير على التأخير بس والله

اليوم حتى اسمعت بالحادث يلي صار معك بتمنى انك تقبل اعتذاري ولك الشكر أخاك ملاك السلام
الدومري
28/07/2007, 11:23 مساء
ملاك السلام
احلى سلام من اخيك الدومري
ملاك السلام
ما اروع اسمك
ملاك السلام
الله يسلمك
ملاك السلام
شكرا لك اخي
صاحب القلم
06/09/2008, 02:11 صباحاً
والمشكلة ما قدران اشرحلك شو صار ع المظبوط انا وعم ركب الدينامو ( يعني موتور المي )
كيف صرت ارقص ديسكو تحت الدرج





كلما قرأت هذا المقطع أضحك من صميم قلبي


الله يعطيك العافية




إبداع غير مسبوق في عالم المنتديات العربية
alhayssam
20/12/2008, 12:17 صباحاً
نحن بإنتظار أن يقرأ الدومري الصغير

ما خطه قلمك ونريده أن يعرف كل شيء عن الوصية



همسة صغيرة : كان ردي هذا نتيجة رؤية عناكب الغوغل

يبحرون في ملفات القضية
ابن البلد
21/12/2008, 05:23 صباحاً
أما هلق فقوم انقلع على غرفتك داخل بطن امك دق ع الطربيزة لبين ما أشتريلك دربكة لأنو
ألف طبال ولايقولوا ابنك كهرب يا دومري

وها نحن نترقب وبشغف خروج دمورنا الصغير من غرفته المغلقة إلى دنيا العالم الخارجي ليستلم رسالة اباه ويمشي على نفس الخطى بعيدا عن كل ما يخص الكهرباء

اخي الدومري الغالي

ترى ما هو شعورك حين ترى ولدك المنتظر يخرج للدنيا ويقرأ رسالتك هذه ؟؟

((رسالة هي الاروع لما قرأت لك على مر الزمان ))

دمت في رقاءٍ دائم ايها الراقي
rami55
20/06/2009, 01:19 صباحاً
أسابيع قليلة و يتلقن الدومري الصغير هذا الدرس البليغ

سهل الله أمور قدومه و أيده بمحبة والديه
القادم
20/06/2009, 07:20 صباحاً
دومرينا الصغير قادم

وهل هناك اجمل من القادم

بالتوفيق حبيب قلبي

والله يهونها وييسرها
ابو زهير
20/06/2009, 04:55 مساء
إنشاء الله بيجي بالسلامة

وإنشاء الله بالتوفيق والتسهيل
ابن البلد
20/06/2009, 05:24 مساء
ان شاء الله يطلع متل الخلفوا

كاتب ومبدع وناقد مييز

بس لا لا اكيد متلو وافضل كمان

هذا دمورة مو حيالله

اللهم ربي يسرها وسهلها مع اخونا الدومري لنشارك كلنا بهالفرة الكبيرة
الدومري
20/06/2009, 06:14 مساء
أسابيع قليلة و يتلقن الدومري الصغير هذا الدرس البليغ




سهل الله أمور قدومه و أيده بمحبة والديه



الدرس الأول أن لا يلعب بالكهرباء
:)
الدرس الثاني
أن لا يلعب بالمياه
:)

رامي العزيز
عزيز وستبقى عزيز
الدومري
20/06/2009, 06:17 مساء
دومرينا الصغير قادم


وهل هناك اجمل من القادم

بالتوفيق حبيب قلبي


والله يهونها وييسرها


:)
القادم أجمل من القادم
لأن القادم دائما قادم

عزيزي القادم
منتظرين قدومك لا تتأخر
الدومري
20/06/2009, 06:25 مساء
إنشاء الله بيجي بالسلامة


وإنشاء الله بالتوفيق والتسهيل



شكرا أبو الزوز الغالي
الله يفرحنا بأولادك
الدومري
20/06/2009, 06:30 مساء
ان شاء الله يطلع متل الخلفوا

كاتب ومبدع وناقد مييز

بس لا لا اكيد متلو وافضل كمان

هذا دمورة مو حيالله

اللهم ربي يسرها وسهلها مع اخونا الدومري لنشارك كلنا بهالفرة الكبيرة





فرحتنا الأكبر لما نشوف بلوده الصغير
يارب يكون متل أبوه وحبتين
هيبه وطول ودم خفيف
ولسان حلو وذكاء


بس ما يخلفو بالنت
:)
ابن البلد
17/03/2010, 07:35 مساء
اتفضل حبيبي سليم

شوف الاستغابة

انت كنت لسا نقطة عملوا منك اجمل قصة

يا سبحان الله

[فقط الأعضاء المسجلين والمفعلين يمكنهم رؤية الوصلات]


يا سبحان الله الدينا دوارة


لا اتبحلق بعيونك ربي يحميهم من كل حاسد


تبارك الخلاّق فيما خلق


فوت حبيبي فوت


أقرأ واستمتع
بسمة
17/03/2010, 08:44 مساء
الله يخليه ويحرسو
ماشاء الله كان
الدومري
17/03/2010, 09:16 مساء
اتفضل حبيبي سليم

شوف الاستغابة

انت كنت لسا نقطة عملوا منك اجمل قصة

يا سبحان الله












إي والله يا بابا صدق عمك ابن البلد عملنا من الوصايا الكهربائيه أحلى قصه
بس والله يابابا ما بيعلم بحالي آنذاك غير الله عز وجل
الله يذكرها ولا يعيدها

:sm259:

أحلى ابن البلد بالكون
حفظ الله فلذة كبدك لؤي ونفع به الأمه
ماشاء الله تبارك الله
الله يحميه ويحميك
ويحمي آل الرفاعي أجمعين

وألف شكر على هذه المبادره
الرائعه يا رائع
الدومري
17/03/2010, 09:19 مساء
الله يخليه ويحرسو
ماشاء الله كان




الله يحفظك ويحميك
شكرا أختي بسمة ألم
إن شاء لا ترين الألم في حياتك
وتكون أيامك كلها سعاده
الشاعر
18/03/2010, 01:26 صباحاً
وصية رائعة و جميلة لا يتقن اسلوب كتابتها

إلا الدومري و لا تصلح إلا للدومري الصغير

حماه الله و جعله دومريا كبيرا

مشكور أبو سليم الغالي

لك ودي,,,,,,,,,,,,
جبلاوي وافتخر
19/03/2010, 01:55 مساء
ما شاء الله تبارك الله
الله يحميه من كل عين
وانشا الله منشوفوا بيناتنا
احلى دمري صغير
واحلى دومري كبير
الدومري
19/03/2010, 07:33 مساء
وصية رائعة و جميلة لا يتقن اسلوب كتابتها


إلا الدومري و لا تصلح إلا للدومري الصغير

حماه الله و جعله دومريا كبيرا

مشكور أبو سليم الغالي


لك ودي,,,,,,,,,,,,



الجميل هو مانثرته من كلمات في وصيتي
والأجمل هو تواجدك معنا
اعذب وارق التحايا لك يا شاعرنا
الدومري
19/03/2010, 07:36 مساء
ما شاء الله تبارك الله


الله يحميه من كل عين
وانشا الله منشوفوا بيناتنا
احلى دمري صغير

واحلى دومري كبير


وأحلى جبلاوي وأفتخر في الكون
إن شاء الله نبارك لك بالفرح والنجاح
شكرا من أعماق قلبي
يا غالي جدا على قلبي
ابن البلد
31/10/2010, 09:18 صباحاً
طمني ابو سليم

ان شاء الله سليم مشي عالوصية وما خيبلك ظنك فيه

والله انا يلي عندي مفرجاني نجوم الضهر بالألوان والله

والمصيبة اني نسيت ما كتبتله وصية قبل ما يولد وحذرته فيها ما يلعب بجهازي الكمبيوتر

الله وكيلك هلكو للجهاز تقول طالع من بطن امه خبير كمبيوتر

وراسو والف سيف بدو ايميل شو الحل اخوي .؟؟
الدومري
31/10/2010, 05:22 مساء
طمني ابو سليم

ان شاء الله سليم مشي عالوصية وما خيبلك ظنك فيه

والله انا يلي عندي مفرجاني نجوم الضهر بالألوان والله

والمصيبة اني نسيت ما كتبتله وصية قبل ما يولد وحذرته فيها ما يلعب بجهازي الكمبيوتر

الله وكيلك هلكو للجهاز تقول طالع من بطن امه خبير كمبيوتر

وراسو والف سيف بدو ايميل شو الحل اخوي .؟؟







جميل جدا بل رائع أن تكون هواية المحروس لؤي
هي اللعب بالكمبيوتر والكيبورد والماوس والتطبيل على الشاشه ونزع مآخذ الكهرباء
و أن يطالب بالإيميلات والمواقع المشاركات لأنه
يا عزيزي (فرخ البط عوام )
وليس كولدي سليم سلمك الله فإنه عاشق للبحث عن الصرامي الملحوشه هنا وهناك فتراه يحملها ويأتي بها مسرعا لأبيه صارخا بصوته الملائكي ( أبا أبا)
وكأني فقدتها من أشهر
:more5:

يا عزيزي
ارسلي كلمة بصل على إيميلي
أرسلك دموعي
:15_5_20: