المساعد الشخصي الرقمي

مشاهدة النسخة كاملة : افتتاح ركن خاص لفش الخلق

alhayssam
31/01/2007, 06:08 مساء
الكثير منا يتعرض لمشاكل او هموم منها البسيطة ومنها المستعصية
وهناك الكثير منا لا يلقى من ينصت إليه او ينصحه


لذلك هنا وفي هذا الركن يمكنك أن تفش خلقك وتحكي قصتك

وتفرغ همومك ضمن هذه الصفحات

من يعلم لربما كان هناك من يقدم لك نصيحة أو ملاحظة

حتى ولو لم يقدم لك الحل الكامل ستشعر بإرتياح

لوجود اصدقاءك بقربك يواسوك ويشاركوك همومك
أبو محمد
01/02/2007, 05:35 صباحاً
فكرت فيها ضرب وخبط يعني كنا مناخد راحتنا أكتر ...!!:las1:

المهم ما حدا يتوقع الردود على فشة خلقو ..
إذا شاف رد كتير منيح .. و إذا ما شاف بيكون الأعضاء خايفين يجوا يكحلوها يقوموا يعموها ..:o
alhayssam
01/02/2007, 12:17 مساء
خود راحتك ابو محمد

وفش خلقك وما تحبس بقلبك

جاي عبالك تنتقد حدا ما في مشكلة

بس ما يكون هل الحدا من قلب المنتدى
روح الفؤاد
01/02/2007, 01:48 مساء
ليك حاجة بقى ملينا وتعبنا من الدراسة

صحيح العمر بيخلص والدراسة ما بتخلص

صرت عم شوف القوانين والرموز والكتب بمنامي

لك آه ه ه ه ه

وأخيرااااااااااااااااااااااا

انتهى الإمتحان

:) :)
عبير الورد
01/02/2007, 02:30 مساء
أولاً مبروك انهاء امتحان الفصل الأول
ثانياً بحب قلك أخي روح الفؤاد
إلا ما يجي يوم وتكون هالآه ه ه ه مجرد ذكرى وذكرى حلوة من أيام الدراسة

إن شاء الله أرى كل اعضاء المنتدى من المتفوقين في الدنيا والآخرة
Mr. ZU
01/02/2007, 04:14 مساء
ركن جميل والإسم على الكسم

أي فش خلقك بس دير بالك من الخطوط الحمر.. :sm221:

فش خلقك باللي بينفش فيه الخلق بس وما تروح لبعيد ..:eek:


فش خلقك بس ما تفشو عل آخر :sm219:


فش خلقك حبيبي فشو.. إذا بتقدر تفشو ...:cool:


طبعاً هادا كان مزح ;)


مبروك إفتتاح هذا الركن

ولك الشكر أخي الهيثم على إهتمامك بهموم الناس

وما يميز هذا الركن عن غيره هو أنك تقول مشكلتك وعلى باقي الأعضاء الرد
كلٌ بما يراه مناسباً حتى يساهم بإزالة الهم والغم عنك (أو العكس ههههههههه) :)

وبالنسبة لأخي روح الفؤاد أقول مليون آه ه ه ه الآن وخلال الدراسة أحسن وأرحم من نص آه بعدين عندما تدخل معترك الحياة العملية الحقيقية
إسأل مجرب ........ وسلامتك من الآه

وشكراً
بحر الأحزان
01/02/2007, 04:45 مساء
مبروك القسم الجديد ياشباب عنجد قسم كتير حلو
ريم الفلا
01/02/2007, 11:17 مساء
يعني فتحتوا هالقسم بعد ما خلصنا امتحان؟؟؟؟؟؟؟؟؟؟؟


يلا مو مشكلة الايام جاية


مبروك القسم الجديد
نور الإيمان
02/02/2007, 11:25 مساء
الله يرحم أيام زمان

كانوا وكنا


بس مع الأسف

صاروا وصرنا
روح الفؤاد
03/02/2007, 11:33 صباحاً
شكرا من القلب لكما

عبير الورد

Mr. ZU

على نصائحكما ومشاعركما الصادقة

وهلق بدي فش شوي

ما بعرف شو بدي قول

الصورة بتعبر أكتر
:las1: :las1:
روح الفؤاد
05/02/2007, 02:40 صباحاً
حاسس المي عم تمشي من تحتي ومو حاسس

كلو من طيبة قلبي

وإنو انضحك عليي بلعبة كتير وسخة

بس من مين

من ........

المشكلة إنو ما فيني إجرحو

لإنو .........فيه

الله يسامحو

الجروح كتيرة من أعز الأحباب

يارب يسر ولا تعسر
ابن البلد
05/02/2007, 03:59 صباحاً
له له :confused:

يا باطل :sm221:

مين جرحك قلي بس لحتى :las1:

بس وينك إذا كان قصدك على:cool:

فعذرني ما بزعلو هيدا حبيب قلبي :D

ولا شو قلت :rolleyes:
روح الفؤاد
05/02/2007, 05:46 مساء
والله بشكرك من قلبي ابن البلد

بس يلي جرحني

الله يسامحوو

ومو هو يلي ببالك :cool:

لإنو يلي ببالك ألبو طيب كتيررررررر

لدرجة إنو بيتاكل بدون خبز
روح الفؤاد
05/02/2007, 07:45 مساء
احيانا الواحد بيشك

وأحيانا الواحد بيحب

وأحيانا من كترة الحب

بينعمى على قلبو

وبتبلش الكلمات من الناس

تصيغ الكلام وتزركشوا على كيفها

بس المهم الواحد يعرف هو شو

ويلي عم بيوجهلو العتاب

إنو هو كل حياتو

( معمر هالكلام لحبيب القلب )

عرفتوا مووووووو

:sm219: :sm219: :sm219:
الأميرالصغير
05/02/2007, 09:49 مساء
أنا بجاوبك عن معمر لأني بعرف أنو كلشي بقولو

روح الفؤاد معمر بقول (( سليم 100/100))

ولا شو أبو عمير
...

بس أنا حاسس أنو في لغز بالموضوع يعني فتت بالحيط
ريم الفلا
08/02/2007, 10:11 مساء
بعض الناس بتحكي بس لمجرد الحكي والمشكلة انها ما بتعرف شو عم تحكي

وما بتشوف أبعد من أنفها

لأ ......واللي بيموت من الغيظ انو كل العالم بيحقلها تحكي الا هن


جاية على بالي:las1: :las1: :las1:
Mr. ZU
10/02/2007, 10:38 مساء
أنا شايف أنو أكتر واحد فش خلقو في في هذا الركن

هو
ا
ا
ا
ا
ا
ا
ا
ا
ا
ا
ا
ا
ا
ا
ا
ا
ا

(السمايلي )------------- :las1:


فهذا السمايلي تكرر إستخدامه 7 مرات خلال المشاركات السابقة


والتالي هو أخي روح الفؤاد بـ 5 (فشاًّت) قصدي مشاركات


وبالمناسبة هذا السمايلي :las1:


هو من أكثرهم إستخداماً في المنتدى بشكل عام


يا ترى ليش؟؟؟؟ :rolleyes:


:)
alhayssam
15/02/2007, 02:51 صباحاً
أحيانا كتير الواحد منا بيحبس بقلبو شغلات ممكن تساويلو جلطة بعيد من هون

عشان هيك الواحد لما بيغضب لازم يكسر شي يا اما الصحون او الطاولات او شي راس شخص بكون قدامو

وأحيانا كتير في اشخاص ما بيرتاحو إلا لحتى يشوفو الدم نازل من شي جرح سكين

والحمد لله ما عنا مسدسات متل الغرب وإلا كل ما واحد كان غضبان بقوص حدا من شان يفش خلقو

وعلى ذكر التقويص قال في اتنين من الغرب الأميركي واقفين بأحد الصالونات
واحد عم يقول للتاني شايف هاد يلي هونيك لابس طاقية ( قبعة )
قلو كلون لابسين قبعات
قلو هداك يلي لابس جينز أزرق
قلو كلون لا بسين جينز ازرق
قام شال المسدس وقوص الشخص يلي عم يدلو عليه :las1:
وقلو شفهت هاد يلي مات
قلو إي شفتو
قلو هاد هو الشخص يلي عم دلك عليه

:sm233:
روح الفؤاد
15/02/2007, 05:21 صباحاً
آه يا زمن

يلي جعل القلوب تحكي

وجعل اللسان يسكت

:las1:

:las1:

:las1:

:sm219:
هوميروس
28/02/2007, 02:42 صباحاً
:more19:
هي الأيام تبعدنا :sm153:

هو الزمان يجرحنا

قولي لي ياحبيبتي
:sm57:
إلى متى سنبقى رهينين في صندوق الحياة

وتبقى أحلامنا على درج الخيال
:more15: :more20:
روح الفؤاد
28/02/2007, 06:37 صباحاً
لولا هالسمايلي

لكنت فجرت المنتدى

:las1:
:p
:las1:
:p
:las1:
خالد
28/02/2007, 10:59 مساء
أي هيك من زمان خلي الواحد يفش خلقو

بس كأني وصلت متأخر مو هيك باين

بس شو بدي سوي الأمتحانات

على كل حال هلأ أنا معكون
هوميروس
16/03/2007, 08:03 مساء
سلبت الأيام مني أجمل الذكريات وتركتني وحيدا في بحر من الحيرات والأهات

أخذت مني أغلى الأحباب

سرقت مني الحب ورمتني في مستنقع الأحلام

لست قادرا على كتابة الشعر

ولأنكي حبيبتي سأترك الشعر لأنه يعذب روح الفؤاد
هوميروس
27/03/2007, 12:25 صباحاً
تافهة أنت أقولها بكل صدق... أقولها وفي قلبي حيرة منك ...
تأتين يوما وترحلين وفي قلبي هواك فأين ذهبتي
رحلت مع الغيوم أسأل عن من كان يوما أحبه ويحبني
رحلتي حبي وفي قلبي سناك ... فإلى أين حبي هجرتي فؤادي
alhayssam
27/03/2007, 12:54 صباحاً
الحمد لله ما عندي خلق لفشو

كل شي تمام وعال العال

لبكرا بيفرجها الله
روح الفؤاد
28/03/2007, 04:57 صباحاً
أستاذ ؟؟؟؟؟؟؟؟؟؟؟؟؟؟؟؟

هموم؟؟؟؟؟؟؟؟؟؟؟؟؟؟؟؟

أنا؟؟؟؟؟؟؟؟؟؟؟؟؟؟؟؟؟

:las1: :las1: :las1: :las1:
سامو
30/04/2007, 07:34 مساء
فش خلقك فش
مصاري مافش
قوم كسر الانتين
وروح ركب دش
ومربى الدلال ربوكي
وتعذبوا فيكي يادلال
رحنا نكلم ابوكي
ياريتك كنت شفتي شو ئال ابوكي
على كل على كل حال
يعني بكل الاحوال
ممنونو انا لبوكي ممنونو
عل الاستقبال
والبقية عندكم اكيد بتعرفو شو صار
والله يحميلو بنتو وخليه يخللها
عبير الورد
01/05/2007, 01:12 مساء
ههههههههههههه
حلوة هالفشة الخلق
ياسر ياسمين
14/06/2007, 12:39 صباحاً
جميل جدا ان يكون لنا مكان خاص وخاصتا للي بكونو بالبيت معصبين وبيدخلو النت بيرتاحو من المشاكل الزوجيه والاجمل ممكن يفضحو حالهم بالنت وزوجتهم لاتسمع باي حاجه وعلى فكرا انا كتير بعصب وفش كل همي بالنت وبعض الاوقات بتعشى بالنت هههههههههه وبروح البيت ونامبسوط يوجد شيء كلمته ومارد على كلامي:23:
الباشق
14/06/2007, 05:01 صباحاً
فشو حبيب قلبي ياسر

فشششششششششششششششو


:14_6_13[1]:
روح الفؤاد
14/06/2007, 09:49 صباحاً
:14_6_13[1]: :14_6_13[1]: :14_6_13[1]:


مو معصب بس متوتر

ادعولنا يلا شباب على الإمتحان

منشوفكون


......................
eye pearl
19/07/2007, 12:40 صباحاً
ما أجمل أن تلتحق بعمل يضطرك للتعامل مع نفسيات مركبة من البشر..!!!


ولك أن تتخيل محاولاتك الفاشلة في التعامل الراقي


مع شرائح متعددة الثقافات والخلفيات الاجتماعية..!!!


لتعود لمنزلك مقررا عدم الخروج..!!


ولكن الحياة تستمر رغم كل ما يعتريك


فلن تتوقف هنا بالطبع


واستمرارها يعني خروجك في صبيحة اليوم التالي


إلى حيث معاناتك..


وتستمر دورة الحياة..